സ്മൃതിതര്‍പ്പണം (കവിത)

ശ്രീ. സി.എ. അനീഷ്‌ കുമാര്‍

ദൂരെ ദൂരെയേതോ സാഗരത്തിന്‍ നിഴല്‍ച്ചിപ്പിയില്‍

മയങ്ങിവീണ മുത്തായരുണന്‍ ശയിക്കവേ

നഷ്ടപ്രഭാവഗര്‍വ്വത്തിന്‍ കാളിമതന്‍ മുഖപട -

മേന്തി നില്‍പ്പൂ - നിറസന്ധ്യതന്‍ കുങ്കുമവദനവും

ഭീതിതമീയിരുളിന്‍ ഘോര നിശ്ശബ്ദതയി -

ലലതല്ലുമേതോ രാപ്പാടിതന്‍ കേഴല്‍

അതിലേറെയീപ്പൊയ്കതന്‍ മിഴിതന്നിലാനനം

നോക്കുമീ വാനത്തിന്‍ ബീഭല്‍സഭാവവും

ഒരുവേള ഞാനൊന്നു വിസ്മയിച്ചൊരുവേള -

യാത്മഗതവും നടത്തി - "ഹാ ഹിമബിന്ദുവേ

എന്തിനീ മന്ദസ്മിതം നിന്നിലുറയുന്നു

ഉത്തുംഗഗിരിയും വിറുങ്ങലിപ്പൂ .........

എങ്കിലും മന്ദസ്മിതം മന്ദമെങ്ങെന്നുമാഗമിപ്പൂ - തിങ്കള്‍പ്പൂ-

വുദിച്ചുപോല്‍ മാനത്ത-തെന്നിലും  തീര്‍പ്പിതാ മന്ദസ്മിതം !

നാണിപ്പു ശ്രാവണപൌര്‍ണമിച്ചന്ദ്രികേ, ഹംസമരാളങ്ങളും

നിന്‍ മുന്നില്‍ കുറുകിയുണരും വെണ്‍ കപോതങ്ങളും

പാവനമാകുമീയാലയത്തില്‍ നിന്ന് ചൊരിയുന്നു നീയിന്നു

പാല്‍നിലാവ് - അതിലലിയുന്നു ഞങ്ങളീ പുല്‍നാമ്പുകള്‍

സംഹാരമെങ്കിലും  താണ്ഡവമെങ്കിലും പുലരുന്നപാര്‍വതീപതിതന്റെ

ജഡയില്‍ നിന്നുതിരുന്ന 'പ്രഭ'യിലീ ഭൂതഗണങ്ങളോ !!!

തോഴിയോ നീയിന്നെ - ന്നന്തരംഗത്തിലീ ചോദ്യമുയരുന്നു

കൈലാസേശ്വര ശിരസ്സില്‍ നിന്നുതിരും ഗംഗയാം

ദേവിപോലും നിന്‍തോഴിയല്ലൂ ! എങ്കിലും നീയെന്റെ കൂട്ടുകാരി

പ്രിയതോഴി - 'അമ്പിളി 'ത്തോഴിയിതുവരെ

ദൂരെയാച്ചില്ലയില്‍ വിശ്രമിക്കും നിന്നെ

കാര്‍മുകില്‍ മൂടുന്നതൊരുവേള കണ്ടു ഞാന്‍ !

നിന്നെയും കണ്ടുകൊണ്ടാദൂരെപ്പൊയ്കയില്‍

വിടരുന്ന താമരപ്പൂവുകള്‍ കണ്ടു ഞാന്‍ !

ഇന്നു നീയമ്പിളീ തുടരു നിന്‍ യാത്ര ; തേരിലേറൂ തേടൂ

ചക്രവാളങ്ങളില്‍ .ചെന്നെത്തു നീ നിന്റെ ലോകമാം തറവാട്ടില്‍

ഇതു തന്നെയല്ലയോ നിയതിയും ,കാലത്തിന്നെവിടെ

വച്ചെങ്കില്‍ നാം കണ്ടുമുട്ടാം. ഇതുതന്നെയല്ലയോ

നിയതിയും നിയമയും തെളിയണം ഇനിയും നീ

തിരുജഡയില്‍ ... വിരിയണം റംസാന്‍ ചന്ദ്രികയായ്

- എന്റെ കൂട്ടുകാരിയുടെ ഓട്ടോഗ്രാഫില്‍ ഞാന്‍ ഒരിക്കല്‍ കുറിച്ചത് 

Presented by: ഗുരു @ കുഴല്‍വിളി 

ഏവരുടെയും അഭിപ്രായം ക്ഷണിക്കുന്നു. രണ്ടു രീതിയില്‍ നിങ്ങള്‍ക്ക് കമന്റ്‌ ചെയ്യാം. 

1.) നിങ്ങള്‍ക്ക് ഫേസ് ബുക്ക്‌ അക്കൗണ്ട്‌ ഉണ്ടെങ്കില്‍ ഫേസ് ബുക്ക്‌ കമന്റ് ബോക്സില്‍ കമന്റ് ചെയ്യൂ. 2.) രണ്ടാമത്തെ കമന്റ്‌ ബോക്സില്‍ അഭിപ്രായം രേഖപ്പെടുത്തുന്നതിന് നിങ്ങള്‍ ഈ സൈറ്റിലെ മെമ്പര്‍ ആയിരിക്കണം. 'JOIN THIS SITE with google friend connect' എന്ന തലക്കെട്ടോടെ വലതു വശത്തെ സൈഡ്ബാറിലെ ബോക്സ്‌ വഴി ഈ സൈറ്റിലെ മെമ്പര്‍ ആയിട്ടുണ്ടെങ്കില്‍ മാത്രമേ ഈ കമന്റ്‌ ബോക്സ്‌ വഴി അഭിപ്രായം രേഖപ്പെടുത്താന്‍ പറ്റുകയുള്ളു.

                           മലയാളത്തില്‍ എഴുതുവാന്‍: താഴെ കാണുന്ന

              ..........മലയാളത്തില്‍ ടൈപ്പ് ചെയ്യുവാന്‍ ഇവിടെ ക്ലിക്ക് ചെയ്യുക........ 

എന്ന ലിങ്കില്‍ ക്ലിക്ക് ചെയ്ത് തുറന്നു വരുന്ന കോളത്തില്‍ മന്ഗ്ലിഷില്‍ എഴുതിയ ശേഷം keybord- ഇല്‍ Space bar അമര്‍ത്തുക . ശേഷം കോപ്പി ചെയ്തു താഴെ കമന്റ്‌ കോളത്തില്‍ പേസ്റ്റ് ചെയ്യുക

 മലയാളത്തില്‍ ടൈപ്പ് ചെയ്യുവാന്‍ ഇവിടെ ക്ലിക്ക് ചെയ്യുക.